Partilovnemnda

Partilovnemnda er eit uavhengig forvaltningsorgan som ikkje kan instruerast om utøving av myndigheit i enkeltsaker. Kongen og departementet kan heller ikkje gjere om nemnda sine vedtak, men har administrativt ansvar for verksemda.

Partilovnemnda skal bidra til openheit om finansieringa av dei politiske partia ved å

  • kontrollere at partia følgjer reglane om rekneskapsføring, finansiering og rapportering mm. i partilova 17. juni 2005 nr. 102 
  • gje generelle uttaler om tolkinga av lova
  • vedta forvaltningssanksjonar når reglane ikkje er følgde
  • avgjere klager på vedtak om registrering i Partiregisteret, og om tildeling av partistøtte.

Kongen oppnemner medlemmane av nemnda for seks år om gongen. Leiaren skal ha dommarkompetanse, medan tre medlemmer vert oppnemnde etter forslag frå ulike politiske parti. Nemnda kan treffe vedtak når minst to tredelar av medlemmane, inkludert leiaren, deltek.

Partilovnemnda sine medlemmer:

  • Professor Eivind Smith (Oslo) – leiar
  • Avdelingsdirektør Hege Fjellheim (Karasjok)
  • Professor Elisabeth Ivarsflaten (Bergen)
  • Lars Arne Ryssdal (Asker)
  • Geir Helge Sandsmark (Halden)
  • Anne Tingelstad Wøien (Gran)
18.12.2023

Reform av partilova

I eit brev til statsråden, med kopi til dei politiske partia, viser nemnda til at parti- og demokratifinansieringa har endra seg dramatisk sidan partilova vart vedteken for 20 år sidan.

Praksis har mellom anna avdekka moglegheiter til å skjule støtte gjennom aksjonsgrupper mm., annonser og kampanjar. Det er behov for betre reglar om kandidatstøtte, støtte til folkevalde grupper og kontroll med at lova vert følgd. Nye medium har endra verkemåten til demokratiet, og finansiering av politisk påverknad utanom partia fell utanfor lova. Intensjonen om openheit og tillit gjer det derfor nødvendig å ta lova opp til revisjon.

Du kan lese brevet her.
17.10.2023

67 parti og partiledd misser partistøtta i 2024, medan 24 partiledd får åtvaring

Partilovnemnda har bestemt at 67 parti og partiledd som ikkje hadde oppfylt innrapporteringsplikta for rekneskapsåret 2022, misser den statlege partistøtta i 2024, medan 24 partiledd fekk formell åtvaring fordi rapporten vart levert for seint.
Flere nyheter Få nyhetsvarsel

Regelverk

Lenker